Category Archives: Tamil

நீண்ட கால இந்திய பங்குச் சந்தை, தங்கம் மற்றும் வங்கி வைப்புநிதிகளின் முதலீட்டுடன் பணவீக்கத்தின் ஒப்பீடு

Posted on by 0 comment

பங்குச் சந்தையின் முதலீட்டு ஆதாயம் (லாபம்) மற்ற எல்லா நீண்ட கால முதலீடுகளை விட அதிகம் என்பது உலகமெங்கும் ஏற்றுக்கொண்ட உண்மை. அதைபற்றி பல முதலீட்டாளர்களிடம் நான் பேசியுள்ளேன். பங்குச் சந்தையில் இருந்து வரும் ஆதாயம் ஒரு நிலையற்று இருப்பதனால், அது மக்களுக்கு பதட்டத்தை கொடுக்கிறது, இருப்பினும் அதில் முதலீடு செய்து பொறுமையுடன் காத்திருப்பவர்களுக்கு அதிக ஆதாயத்தை தருகிறது என்பதை மக்கள் உணரவேண்டும் – “வலி இல்லாமல் ஆதாயம் இல்லை”.

நமது உலகநாயகன் கமல்ஹாசன் ஒரு தொலைக்காட்சிக்கு நேர்காணலில் பேட்டியளித்ததை நான் இங்கு நினைவு கூறுகிறேன். அவர் என்ன சொன்னார் என்றால், நம் உடல் ஆரோக்கியத்திற்காக உடற்பயிற்சி மையத்திற்கு (ஜிம்க்கு) செல்கிறோம். அப்போது முதலில் உடலில் வலி ஏற்படும், வலி ஏற்ப்பட்டவுடன் பலர் உடற்பயிற்சி மையத்திற்கு செல்வதை நிறுத்திவிடுகிறார்கள். ஏனென்றால்  உடலில் தசை இறுகுவதனால் உடற்பயிற்சி செய்யும் போது இந்த வலி தொடக்கநிலையில் ஏற்படுத்துகிறது. உடற்பயிற்சியை தொடர்ந்து விடாமல் செய்து வந்தால் உடல் அமைப்பு நன்றாக இருக்கும் – “வலி இல்லாமல் ஆதாயம் இல்லை”.

இதேபோல், பங்குச் சந்தையில் முதலீடு செய்பவர்களுக்கு குறுகிய காலத்தில் ஆதாயம் நிலையற்று இருப்பதால், அது பதற்றத்தை ஏற்படுத்துகிறது. ஆனால் பொறுமையுடன் காத்திருந்தால், நீண்ட காலத்தில் வரும் ஆதாயம் செல்வத்தை வெகுவாக உயர்த்தும்.

இப்பொழுது ரிசர்வ் வங்கி (RBI) மற்றும் பிஎஸ்இ (BSE) பங்குச் சந்தை உள்ளிட்ட பல்வேறு இணையதளங்கள் மற்றும் ஆராய்ச்சி கட்டுரைகளில் இருந்து பெறப்பட்ட சில சுவாரஸ்யமான உண்மைச்செய்திகளை முன்வைக்கிறேன்.

கீழே உள்ள வரைபடம் நீண்ட கால பணவீக்கத்தின் விளைவுகளை விளக்குகிறது. 1981-1982 இல் ரூபாய் 1 லட்சத்தின் மதிப்பானது 2013-2014 இல் ரூபாய் 8,819 ஆக குறைந்துள்ளது. அதாவது பணவீக்கத்தால் ரூபாயின் மதிப்பு 92% குறைந்துவிட்டது.

Inflation

நிதியாண்டு 1981-1982 முதல் இந்திய அரசு பணவீக்க குறியீட்டை வெளியிடத் துவங்கியது (CII – COST INFLATION INDEX). 1981-1982 இல் பணவீக்க குறீயீட்டின் அளவு 100 இல் இருந்து நிதியாண்டு 2013-2014 இல் குறீயீட்டின் அளவு 939 ஆக உயர்ந்துள்ளது. அதாவது ஆண்டு அடிப்படையில் சுமார் 7.3% ஆக உயர்ந்துள்ளது. இந்த வருடாந்திர குறீயீட்டு எண் 2006 இல் 3.54% என்ற அளவு குறைவாகவும், 2011 இல் 12.5% என்ற அளவு அதிகமாகவும் இருந்தது குறிப்பிடத்தக்கது. இந்த நிதியாண்டில் (2015) பணவீக்க குறீயீட்டின் அளவு 1024 என்று அரசால் வெளியிடப்பட்டது. இது முந்தைய ஆண்டை விட (2014) 9.05% அதிகமாகும்.

Cost Inflation Index

முதலீட்டாளர்கள் என்னை அணுகும் போது அவர்களுக்கு தோன்றும் சில பொதுவான கேள்விகளையும், கருத்துகளையும் பட்டியலிடுகிறேன்.

  1. பங்குச் சந்தையில் முதலீடு செய்வது ஒரு சூதாட்டத்தைப் போன்றதா?
  2. பங்குச் சந்தையில் முதலீடு செய்து என்னால் லாபம் சம்பாதிக்க முடியுமா?
  3. எனக்கு முதலீட்டு இடர் (Risk) எடுக்க வேண்டாம். மற்ற பாதுகாப்பான முதலீடுகளான நிலம், வங்கி, மற்றும தபால் நிலைய வைப்பு நிதியில் மட்டுமே முதலீடு செய்ய விரும்புகிறேன்.
  4. பங்குச் சந்தை, தங்கம் மற்றும் நில முதலீடுகளில் இருந்து எவ்வளவு ஆதாயம் எதிர்பார்க்க முடியும்?

 

இந்த கேள்விகளுக்கு பதில் அளிக்க முனைகிறேன் (சில கேள்விகளுக்கு விரிவான பதில் இணையதளத்தில் காணலாம் https://penguwin.com/ask-penguwin).

Returns of Stock, Gold, Fixed Deposits

தங்கம், வங்கி, தபால் நிலையம் மற்றும் நிறுவன வைப்புநிதிகள் சில சமயங்களில் பணவீக்கத்தின் தாக்கத்தை ஈடு செய்யமுடிந்தாலும், நீண்ட காலத்தில் பணவீக்கத்தை விட குறைந்த ஆதாயத்தையே பெறமுடியும்.


சொத்து வர்க்கம்
1982 இல் முதலீட்டுத்தொகை 31Mar’14 இல் மதிப்பு %ஆதாயம் (லாபம்)
சென்செக்ஸ் 1,00,000/- 2,23,86,000/- 19.16%
வங்கியின் வைப்புத்தொகை 1,00,000/- 16,94,000/- 8.52%
தங்கம் 1,00,000/- 36,51,000/- 9.75%

மேலே கூறப்பட்டுள்ள அட்டவணையில் பங்குச் சந்தையின் சென்செக்ஸ் முதலீடு மட்டுமே பணவீக்கத்தின் தாக்கத்தை கட்டுப்படுத்தி 10% உண்மையான ஆதாயத்தை ஈட்டியுள்ளது (பணவீக்கத்திற்க்கும் மேல் 10% அதிகமாக கிடைத்துள்ளது). நிதியாண்டு 1981-1982 இல் சென்செக்ஸ் பங்குச் சந்தையில் 1 லட்சம் முதலீட்டின் மதிப்பு தற்போது (2013-2014) ரூபாய் 2.24 கோடி ஆக உயர்ந்துள்ளது. இந்த லாபம் சென்செக்ஸ் முதலீட்டில் ஈட்டிய லாபம் ஆகும். ஆனால் மியூச்சுவல் ஃபண்டில் முதலீடு செய்து இருந்தோமானால் தோராயமாக 5% வரை சென்செக்ஸ் முதலீட்டைவிட அதிக ஆதாயம் கிடைத்திருக்கும்.

 இதனால் நாம் சம்பாதிக்கும் பணத்தையெல்லாம் பங்குச் சந்தையில் தான் முதலீடு செய்ய வேண்டும் என்று நான் கூறவில்லை. நம்முடைய முதலீட்டின் ஒரு சிறிய பகுதியாவது பங்குச் சந்தையில் முதலீடு செய்ய வேண்டும் என்றே கூறுகிறேன். ஒரு சிறிய பகுதியாவது பங்குச் சந்தையில் முதலீடு செய்தால் தான் பணவீக்கத்தின் தாக்கத்தை எதிர் கொண்டு செல்வத்தை பெருக்க முடியும்.

<Blog # PenguWIN 1013 – நீண்ட கால இந்திய பங்குச் சந்தை, தங்கம் மற்றும் வங்கி வைப்புநிதிகளின் முதலீட்டுடன் பணவீக்கத்தின் ஒப்பீடு >

Category: Tamil

நிதிரீதியாக திட்டமிடுபவர்கள் மற்றும் முதலீட்டு ஆலோசகர்கள் பணக்காரர்களுக்கு மட்டும் தானா?

Posted on by 0 comment

நான் என்னுடன் முன்னாள் பணிபுரிந்த சக ஊழியரை சந்தித்த போது, நீங்கள் ஏதேனும் நிதி ஆலோசகரின் உதவியை நாடியுள்ளீர்களா என்று கேட்டேன்? அதற்கு அவர், இது போன்ற உதவியை நாட நான் ஒன்றும் பணக்காரர் இல்லை. இந்த உதவியை பணக்காரர்கள் மற்றும் செல்வந்தர்கள் தான் நாடிச்செல்வார்கள் என்று கூறினார். ஆனால் அவரோ ஆண்டிற்கு 10 லட்சம் வரை சம்பாதிக்கிறார், இருப்பினும் இவர் நிதிமுதலீட்டு ஆலோசனை எல்லாம் மூத்த நிர்வாகிகளுக்கும், செல்வந்தர்களுக்கும் மட்டும் தான் என்ற கருத்தை தெருவித்தார். இப்படி எல்லா மக்களும் தவறாகவே நினைக்கிறார்கள்.

இரு வாரங்களுக்கு முன் என்னுடன் பணிபுரிந்த சக ஊழியர் என்னை தொலைபேசியில் அணுகி, “எனது பாஸ் என்னிடம் முதலீடு செய்ய ஒரு நிதி ஆலோசகரை அணுகவேண்டும் என்று கூறினார். ஆகையால் உங்களை நான் அறிமுகம் செய்து வைக்கிறேன், உங்களது தொடர்பு முகவரியை பாஸிடம் கொடுக்கலாமா என்று கேட்டார்?”, அதற்கு நான் சரி என்று கூறி பின் “நீங்கள் ஏதேனும் நிதி ஆலோசகரை அணுகியுள்ளீர்களா, உங்களுக்கு ஆலோசனை தேவையில்லையா என்று கேட்டேன்?”, அதற்கு அவர் அளித்த பதில் என்னை திகைப்படையச்செய்தது. அவர் “ஐயா, அது உங்களை போன்றவர்களுக்கும் (நான் முன்பு காக்னிசன்ட் ஐடி நிறுவனத்தில் இயக்குனராக பணிபுரிந்தேன்) மற்றும் என் பாஸுக்கும் தான் உகந்தது என்றார் (அவரது பாஸ் அதே காக்னிசன்ட் ஐடி நிறுவனத்தில் தற்பொழுது இயக்குனராக பணிபுரிகிறார்)”.

இப்பொழுது இந்த வலைப்பதிவின் நோக்கத்தை உணர்ந்து இருப்பீர்கள் என நம்புகிறேன்.

நான் எனக்கு தோன்றிய சில கேள்விகளை முன்வைக்கிறேன்.

  1. சாதாரண மக்கள் ஏதேனும் உடல்நலக் குறைவு ஏற்பட்டால் மருத்துவரின் உதவியை நாடாமல் அவர்களே மருத்துவம் சார்ந்த பிரச்சனையை பார்த்துக்கொள்ள முடியுமா?
  2. சாதாரண மக்கள் ஏதேனும் சட்ட சிக்கல் வரும்போது ஏதேனும் ஒரு வழக்கறிஞரின் உதவியை நாடாமல் அவர்களே நீதிமன்றம் சென்று வாதிட முடியுமா?

 

மேலே கூறப்பட்ட இரண்டு கேள்விகளின் பதில்களும் உங்களுக்கு தெரிந்தது தான், அப்படி இருக்கையில் நிதிமுதலீட்டு ஆலோசனையாளர்களையும், திட்டமிடுபவர்களையும் அணுகாமல் இருப்பது ஏன்?

முதலீட்டு வல்லுனர்களையும், நிதி ஆலோசகர்களையும் அணுகாமல் இருக்க மக்கள் கூறும் சில கூற்றை இப்பொழுது முன்வைக்கிறேன்.

  1. நான் ஒன்றும் பணக்காரன் இல்லை, நான் நிறைய சம்பாதிக்கவில்லை.
  2. நான் எனக்கு தேவையான அளவு பணம் ஈட்டும்போது, அதை முதலீடு பண்ணத் தெரியாதா.
  3. நிதித்துறை வல்லுனரிடம் ஆலோசனை பெறுவதற்கு அவர்களுக்கு நிறைய பணம் கொடுக்க வேண்டும்

 

சில தனியார் பள்ளிகள், பள்ளியில் பத்தாம் வகுப்பில் 500 க்கு 450 க்கு மேல் எடுக்கும் மாணவர்களை மட்டும் மேல்நிலைப்பள்ளிக்கு தேர்ந்தெடுத்து, அவர்களுக்கு நன்றாக பயிற்சி அளித்து அவர்களை மருத்துவக் கல்லூரியிலோ அல்லது பொறியியல் கல்லூரியிலோ சேர்க்கின்றன. பல ஆண்டுகளாக பள்ளி 100% தேர்ச்சி என்று பெருமையும் படுகின்றன.

புத்திசாலி மாணவர்களை மட்டும் தேர்ந்தெடுத்து 100% தேர்ச்சி பெற்றுள்ளோம், இந்த பள்ளியில் படித்த மாணவர்களை நாங்கள் மருத்துவராகவும், பொறியியலாளராகவும் மற்றும் சிவில் சர்வீஸ் அதிகாரியாகவும் (ஐ.ஏ.எஸ், ஐ.பி.எஸ்) ஆக்கியுள்ளோம் என்று புள்ளி விவரம் காண்பித்து விளம்பரம் செய்கிறார்கள். இது பெரிய விசயம் இல்லை.

ஒரு அரசு பள்ளி, அதில் படிக்கும் மாணவர்களை ஒரு மருத்துவராகவும், பொறியியலாளராகவும் மற்றும் ஒரு சிவில் சர்வீஸ் அதிகாரியாகவும் (ஐ.ஏ.எஸ், ஐ.பி.எஸ்)  உருவாக்கினால் அதுவே பெரிய சாதனையாகும்.

இதேபோல், ஒரு நிதிமுதலீட்டாளர் 10 கோடி ரூபாய் வைத்துள்ள ஒரு பணக்காரரின் செல்வத்தை 12 கோடியாகவோ அல்லது 100 கோடி ரூபாய் வைத்துள்ள ஒரு பணக்காரரின் செல்வத்தை 125 கோடியாகவோ பெருக்குவது ஒரு பெரிய விசயம் இல்லை. சாதாரண மக்களின் ஒரு சில 1000 ரூபாயை பன்மடங்கு பெருக்குவதுதான் பெரிய விசயம். அதில் ஏற்படும் திருப்தியும் அலாதி.

செல்வந்தர்களுக்கு ஆலோசனை கூறி அவர்களின் செல்வத்தை மேன்மேலும் பெருக்குவது தவறு என்று நான் கூறவில்லை. சாதாரண மக்களின் செல்வத்தை பெருக்குவதுதானால் ஏற்படும் தாக்கம் அதிகமானது என்றே கூறுகிறேன்.

  • பங்கு சந்தையில் முதலீடு செய்து வரும் லாபம் மற்ற எல்லா நீண்டகால முதலீடுகளைவிட (வங்கி, தங்கம், நிலம்) அதிகம் என்பது உலகம் ஏற்றுக்கொண்ட உண்மை. அப்படி இருக்க பங்கு சந்தையில் 4% க்கு குறைவாகவே இந்தியர்கள் முதலீடு செய்துள்ளது ஏன்?
  • சென்ற வருடம் அரசு சார்ந்த நிறுவனங்கள் 9% வரை வட்டிவிகிதம் தரும் வரி விலக்கு பத்திரங்களை வெளியிட்டன. அது நல்ல முதலீடு; ஆனால் அதில் எத்தனை சாதாரண மக்கள் முதலீடு செய்து பயனடைந்தார்கள்?
  • இன்றைய தேதியில் பணவீக்கத்தின் அளவு 8%, வங்கி முதலீட்டின் மூலம் இன்றைய பணவீக்கத்தைவிட அதிக லாபம் சம்பாதிப்பது என்பது இயலாத காரியம் ஆகும் (வங்கி முதலீட்டின் மூலம் நாம் பெறும் வட்டிக்கு வரிசெலுத்த வேண்டும் என்பதை கணக்கில் கொள்ளவேண்டும்). அப்படி இருக்க 80 லட்சம் கோடி ரூபாய் வங்கியில் முதலீடு செய்யப்பட்டுள்ளது ஏன்?

 

இந்த கேள்விகளுக்கு பதில் சுலபமானது – அறியாமை

எல்லா தரப்பட்ட மக்களும், ஏதேனும் உடல்நலக்குறைவு ஏற்பட்டால் மருத்துவரையோ, சட்ட சிக்கல் வரும் போது ஏதேனும் ஒரு வழக்கறிஞரின் உதவியையோ நாடி செல்கிறார்கள். அதேமாதிரி நிதி மற்றும் முதலீட்டு ஆலோசனைக்கு நிதி ஆலோசகரை அணுகுவது உசிதமாகும். நிதி ஆலோசகரை அணுகும் முன் எவ்வளவு ஆலோசனைக் கட்டணம் பெறப்படும் என்பதை கேட்டு தெரிந்து கொள்வது நல்லது.

<Blog # PenguWIN 1012 – நிதிரீதியாக திட்டமிடுபவர்கள் மற்றும் முதலீட்டு ஆலோசகர்கள் பணக்காரர்களுக்கு மட்டும் தானா?>

Category: Tamil